Amerika administrasiyası ABŞ silahlarının Ukraynanın milli “Azov” alayına tədarükünə qoyulan qadağanı ləğv edib.

Publika.az xəbər verir ki, bu barədə Dövlət Departamenti bəyanat yayıb.

Qeyd olunub ki, Birləşmiş Ştatların xarici hərbi birləşmələrə yardım göstərməsinə mane olan Lihi Aktı əsasında alay barədə hərtərəfli yoxlama aparılıb. Vurğulanıb ki, Amerika hakimiyyətinin alayın insan hüquqlarının pozması barədə heç bir sübutu yoxdur.

Xatırladaq ki, 2017-ci ilin mayında ABŞ-ın o zamankı prezidenti Donald Tramp federal hökumətin maliyyələşdirilməsi haqqında qanun imzalayıb. Buraya Amerika Konqresi tərəfindən dəstəklənən düzəliş daxildir. Düzəlişə əsasən Pentaqon Ukraynaya hərbi yardım göstərmək məqsədilə ayrılan vəsaitdən “Azov” milli batalyonuna hər hansı dəstək vermək məqsədilə xərcləyə bilməz. Bu müddəanın müddəti sonradan bir neçə dəfə uzadılıb.

Qeyd edək ki, Amerika xarici siyasət idarəsi qadağanın dəqiq nə vaxt götürüldüyünü və "Azov" qüvvələrinin ABŞ-dan silah alıb-almadığını deməkdən imtina edib.