Keniyada 2022-ci ildən bəri həyat yoldaşı da daxil olmaqla, 42 qadını öldürdüyünü etiraf edən 33 yaşlı serial qatil Jomaisi Xalisia tutulub.
Publika.az xəbər verir ki, polisin qurbanlardan biri olan Josphine Mulongonun mobil telefonunda təhlil aparması nəticəsində ipucu onları Xalisiaya aparıb.
Zərərçəkənlərin cəsədlərinin tapıldığı ərazidən 100 metr aralıda olan Xalisianın mənzilində araşdırma aparılıb. Nəticədə telefonlar, qadın çantaları və qadın alt paltarları da daxil olmaqla, bir çox əşya aşkar edilib.
Polis ilk dəfə iyulun 12-də neylon torbalarda bədən hissələri tapıb. Ertəsi gün daha çox bədən hissələrinin olduğu çantalar aşkar edilib. Polis zibillikdə axtarış işlərinin davam etdiyini açıqlayıb.
Roza Şəfiyeva
