Qərbi Gürcüstanda arxeoloqlar təxminən 10 min il əvvəl yaşamış insanın skeletini aşkar ediblər. 

Qutb.az xəbər verir ki, bu barədə “NewsGeorgia” yazıb.

Bildirilir ki, Saçxere bələdiyyəsindəki Bondi mağarasında unikal kəşf edilib.

Qalıqları olan kurqan daşlarla əhatə olunub. Alimlərin fikrincə, bu, qədim dəfn mərasimləri üçün xarakterikdir.

İlkin hesablamalara görə, skelet 12 yaşından kiçik uşağa məxsusdur.

Bondi mağarası Gürcüstan Dövlət Universitetinin professoru İlya Nikoloz Tuşabramişvilinin rəhbərlik etdiyi ekspedisiya zamanı tədqiq edilib.

Fosillər Çiatura Diyarşünaslıq Muzeyinə təhvil verilib. Yaxın gələcəkdə alimlər qədim insanın sümüyündən çıxarılmış DNT-ni deşifrə etməli olacaqlar.

Böyük Britaniya, ABŞ və Yaponiyadan olan mütəxəssislərin cəlb edilməsi ilə xarici laboratoriyalarda genetik analizlər aparılacaq.

Professor təklif edir ki, yeniyetmə Kotun “əmisi oğlu” ola bilər – bu, skeleti keçən il yaxınlıqdakı Kotia mağarasında arxeoloqlar tərəfindən aşkar edilən adamın adıdır.

Qalıqların təsdiq edilmiş yaşı 9700 ildir.

“Bu, dörd genetik xətti təmsil edən Qərbi Avropa genomudur. Dörd nəfərdən biri Cənubi Qafqazdandır”, - Tuşabramişvili “Rustavi 2” telekanalına müsahibəsində bildirib.

Bondi mağarası unikal arxeoloji abidədir. Professor Tuşabramişvili 2007-ci ildə kəşf edib.