Tacikistan Xarici İşlər Nazirliyinin rəsmi nümayəndəsi Şoxin Səmədi bildirib ki, minə yaxın ölkə vətəndaşı Moskva hava limanlarında “ilişib” qalıb, o cümlədən Rusiya universitetlərində təhsil almağa gedənlər də.
Publika.az xəbər verir ki, bu barədə TASS məlumat yayıb.
"Moskva hava limanlarında ilişib qalan Tacikistan vətəndaşları ilə bağlı vəziyyət ağır olaraq qalır", - Səmədi TASS-a bildirib.
Onun sözlərinə görə, aprelin 27-də günün sonuna olan məlumata görə, Vnukovo hava limanının müvəqqəti saxlanma zonasında 954 Tacikistan vətəndaşı var.
Səmədinin sözlərinə görə, analoji vəziyyət Moskvanın digər hava limanlarında - Jukovski, Domodedovo və Şeremetyevoda da müşahidə olunur, burada yüzlərlə tacik mühafizə zonalarındadır. O əlavə edib ki, mövcud vəziyyətlə əlaqədar Tacikistanın Moskvadakı diplomatik nümayəndəliyinin konsulluq xidməti 24 saat fəaliyyət göstərən operativ qərargah açıb.
Tural
