İnsultdan əziyyət çəkən xəstələr üçün yeni texnologiya hazırlanır. O, sadə quraşdırmadan istifadə edərək bilək hərəkətlərini izləməklə evdə reabilitasiya məşqlərini tamamlamağa imkan verəcək

Publika.az xəbər verir ki, Nyu-York Universitetinin Tandon Mühəndislik Məktəbinin tədqiqatçıları hazırda bu prosesin üzərində işləyirlər.

Adətən video oyunlar üçün istifadə edilən "Novint Falcon" stolüstü robotu istifadəçinin əl hərəkətlərini istiqamətləndirə və nəzarətçinin trayektoriyasını izləyə bilər.

“Soft Mechatronics and Wearable Systems” jurnalında dərc olunan məqalədə tədqiqatçılar reabilitasiya məşqləri zamanı bilək bucaqlarını dəqiq idarə etmək üçün "Falcon"-dan smartfon əsaslı hərəkət sensorları ilə tandemdə istifadə etməyi təklif ediblər.

Tədqiqatçılar biləyin həqiqi bucağını qeyd etmək üçün bilək və əldə hərəkət sensorları taxarkən tapşırıqları yerinə yetirən sağlam subyektdən məlumat toplayıblar. Daha sonra onlar sensor məlumatları və "Falcon" nəzarətçisinin hərəkətləri əsasında bilək bucaqlarını proqnozlaşdırmaq üçün alqoritmi öyrədiblər. Əldə edilən alqoritm bilək bucaqlarını 90%-dən çox dəqiqliklə proqnozlaşdıra bilir ki, bu da şəxsən terapevt olmadıqda real vaxt reaksiyası ilə teleterapiyaya doğru perspektivli ilk addımdır.

Cəmilə