Avropa Çempionatının reklam kompaniyasında qalmaqal yaşanıb.
Publika.az xəbər verir ki, bu, Çin avtomobil istehsalçısı BYD ilə bağlıdır. Şirkət Avro-2024 -də elektrik avtomobilləri üçün reklam təqdim etmək qərarına gəlib. Bunun üçün Avropa çempionatında çox sayda reklam slotları alınıb.
Lakin qəribə hadisə baş verib. BYD-nin Almaniyaya məxsus domen zonasında veb-saytı yoxdur. Onların yalnız beynəlxalq ".com" domenində qeydiyyatdan keçən saytları var.
Almaniyada isə şirkətin adına uyğun sayt mövcuddur və seks-şopa məxsusdur. Avro-2024 -də reklam verdikdən sonra internetdə BYD avtomobillərini tapmağa qərar verən alman azarkeşlərin qarşısına məhz bu sayt çıxıb.
Vəziyyət o qədər qəlizləşib ki, seks-şop domen zonası ilə səhv edən hər kəs üçün məlumat buraxmalı və onları avtomobil satan vebsayta yönləndirməli olub.
Heybət
