“Transfermarkt” portalı mövsümün sonunda müqaviləsi başa çatan ən bahalı on futbolçunun siyahısını dərc edib.

QÜTB.AZ xəbər verir ki, bu oyunçulara yanvarın 1-dən etibarən digər klublarla danışıqlar aparmağa icazə verilir.

Siyahıya başçılıq edən “Liverpul”un müdafiəçisi Trent Alexander-Arnold 75 milyon avro dəyərindədir. İlk üçlüyə həmçinin Trentin komanda yoldaşı Məhəmməd Salah (55 milyon avro) və “Bavariya”nın müdafiəçisi Alfonso Deyvis (50 milyon avro) daxil olub.

Yayda azad agent olacaq ən dəyərli 10 futbolçu:

Trent Alexander-Arnold (“Liverpul”, sağ cinah müdafiəçisi, 26 yaş) – 75 milyon avro;

Mohamed Salah (“Liverpul”, hücumçu, 32 yaş) – 55 milyon avro;

Alfonso Deyvis (“Bavariya”, sol cinah müdafiəçisi, 24 yaş) – 50 milyon avro;

Coşua Kimmix (“Bavariya”, yarımmüdafiəçi, 29 yaş) – 50 milyon avro;

Conatan Deyvid (“Lill”, hücumçu, 24 yaş) – 45 milyon avro;

Leroy Sane (“Bavariya”, sağ cinah yarımmüdafiəçisi, 28 yaş) – 45 milyon avro;

Son Hın-Min (“Tottenhem”, sol cinah yarımmüdafiəçisi, 32 yaş) – 38 milyon avro;

Kevin de Bruyne (“Mançester Siti”, hücumameyilli yarımmüdafiəçi, 33 yaş) – 35 milyon avro;

Conatan Ta (“Bayer” Leverkuzen, mərkəz müdafiəçisi, 28 yaş) – 30 milyon avro;

Vircil van Deyk (“Liverpul”), mərkəz müdafiəçisi, 33 yaş – 28 milyon avro.