Ukrayna Milli Olimpiya Komitəsinin (MOK) prezidenti Vadim Qutsayt Beynəlxalq Olimpiya Komitəsinin (BOK) həmrəylik fondundan ayırdığı puldan imtina etdiyini açıqlayıb.

Publika.az xəbər verir ki, onun sözlərini “ua.tribuna.com” sitat gətirib.

Qutsayt bildirib ki, Ukrayna, Rusiya idmançıları yarışdan kənarlaşdırılarkən vəsait alıb, lakin onlar qayıtdıqdan sonra ölkə fonddan pul götürməyi düzgün hesab etmir.

“Bu, bir növ vəhşilik sayılacaq, alver predmeti hesab olunacaq. Bu məsələdə hamı məni dəstəklədi”, – deyə o vurğulayıb.

Dekabrın 8-də BOK rusların və belarusların Parisdə keçiriləcək Oyunlara buraxıldığını elan edib. Onlar turnirdə fərdi neytral idmançılar kimi iştirak edə biləcəklər. Eyni zamanda, Ukraynada müharibəni dəstəkləyən, habelə Rusiya və Belarusun silahlı qüvvələri və ya təhlükəsizlik orqanları ilə əlaqəsi olan idmançılar yarışa buraxılmayacaqlar.