UEFA qadınlar arasında ikinci Avropa turnirinin - UEFA Avropa Kubokunun formatını təsdiqləyib.
QÜTB.AZ xəbər verir ki, bu barədə qurumun mətbuat xidməti rəsmi məlumat yayıb.
Turnirin adı kişilər arasında Avropa Liqasına bənzər seçilib. Üstəlik, “kubok” sözü yarışın yalnız "nokaut" oyunları formatında keçiriləcəyini nəzərdə tutur. Yarışda qrup mərhələsi yoxdur.
Avropa kuboku 6 mərhələdən - 2 seçmə mərhələ, 1/8 final, 1/4 final, yarımfinal və finaldan ibarət olacaq. Final görüşü də iki görüş əsasında baş tutacaq.
Qadınlar Çempionlar Liqasından kənarlaşdırılan bir sıra iştirakçılar da bu yarışa qoşulacaq.
Xatırladaq ki, yeni turnir ötən il elan edilib. Yarışın startı 2025/26 mövsümü üçün nəzərdə tutulub. Avrokubokların qalibi növbəti mövsüm üçün Çempionlar Liqasının III təsnifat mərhələsinə birbaşa vəsiqə qazanacaq.
Qutb
