Futbol şərhçisi Semyon Ziqayev Avropa Liqasının 1/8 final mərhələsinin “Qarabağ” – “Bayer” oyunu ilə bağlı proqnozunu bölüşüb.

Publika.az xəbər verir ki, o, Azərbaycan təmsilçisinin rəqibinə ciddi müqavimət göstərəcəyini düşünür:

""Bayer" bu mövsüm bütün yarışlarda məğlub olmayıb. Bundesliqada Xabi Alonsonun komandası çox yaxşıdır, son turda “Köln”ə 2:0 hesabı ilə qalib gələ bilib.

Maraqlıdır ki, bu komandalar artıq qrupda üz-üzə gəlib, hər ikisində almanlar 5:1 və 1:0 hesablı qələbə qazanıb.

Növbəti matçda aşkar favorit "Bayer"dir, lakin indiki mərhələdə komanda əsas qüvvəsini Bundesliqaya yönəldib. Buna görə də rəqib daxili turnir haqqında düşünməyə və Avropa yarışlarına ciddi yanaşmaya bilər. Ona görə də, güman edirəm ki, sensasiyalı “Qarabağ” bu dəfə də ciddi müqavimət göstərə bilər. Bu matçda hər iki komandanın qol vuracağını gözləyirəm”.

Qeyd edək ki, “Qarabağ” – “Bayer” oyunu bu gün, 21:45-də Tofiq Bəhramov adına Respublika Stadionunda keçiriləcək.