Səudiyyə Ərəbistanının "Əl-Nəsr" və Portuqaliya millisinin hücumçusu Kriştian Ronaldo 2023-cü ilin bombardiri olub.
Publika.az xəbər verir ki, 2023-cü ildə Ronaldo ümumilikdə 54 qol vurub, onlardan 10-u milli komandanın heyətində olub. Bu göstəricidə o, hər biri 52 qol vuran "Bavariya"nın ingilis hücumçusu Harri Keyni və PSJ-nin fransız hücumçusu Kilian Mbappeni geridə qoyub.
Ronaldo 30 dekabr 2022-ci ildə “Əl-Nəsr”ə keçib. Futbolçunun müqaviləsi iki illikdir. Onun klubda illik maaşı 200 milyon avrodur.
Ronaldo beşqat "Qızıl top"un sahibidir. Onun adına beş Çempionlar Liqası qələbəsi, həmçinin İngiltərə, İspaniya və İtaliyada liqa titulları var. Futbolçu Portuqaliya millisi ilə birlikdə 2016-cı ilin Avropa çempionu, qitə çempionatının gümüş və bürünc mükafatçısı, 2019-cu ildə UEFA Millətlər Liqasının qalibi olub.
Hüseyn İbadlı
