Azərbaycan milli komandasının hücumçusu Ramil Şeydayevlə bağlı iddia irəli sürülüb.
Publika.az xəbər verir ki, Türkiyə mətbuatı 26 yaşlı hücumçunun "Kocaelispor"a keçmək üzrə olduğunu yazıb. Bununla bağlı məlumatlar bu gün Kocaeli bölgəsinin bir neçə media qurumunda dərc edilib.
Bildirilib ki, Şeydayev klubu "Buriram Yunayted"lə (Tailand) müqaviləni ləğv etdikdən sonra Türkiyəyə yollanacaq. Onun "Kocaelispor"la 1,5 ilik müqavilə imzalayacağı iddia edilib.
Birinci Liqa təmsilçisi "Kocaelispor"un bu gün ərzində bununla bağlı rəsmi açıqlama verəcəyi də bildirilib.
Xatırladaq ki, Şeydayev 2023-cü ilin yayında "Buriram Yunayted"lə 2 illik müqavilə imzalayıb.
Heybət
