Türkiyənin Ərzurum şəhərinin hakimi Kürdüstan Fəhlə Partiyası ilə əlaqədə ittiham olunan qadına bir ay müddətinə sosial şəbəkələrdəki səhifələrində Türkiyə dövlət bayrağının şəklini dərc etməyi tapşırıb.

Publika.az xəbər verir ki, separatçı fəaliyyətinə görə ömürlük həbs cəzası çəkən Kürdüstan Fəhlə Partiyasının rəhbəri Abdulla Öcalanın şəklini “Facebook” hesabında yerləşdirən qadına qarşı cinayət işi açılıb. Yerli Cinayət Məcəlləsinə görə, qadını 5 ilə qədər həbs gözləyir.

İşə baxan hakim qadının azadlığa buraxılmasına qərar verib, lakin onu həftədə üç dəfə polis bölməsinə xəbər vermək və bir ay ərzində sosial şəbəkələrdə Türkiyə dövlət bayrağının şəklini yerləşdirmək öhdəliyi ilə cəzalandırıb.

Diyarbəkir vilayətinin Vəkillər Palatası bu qərarı qanun pozuntusu adlandırıb və hakimin məsuliyyətə cəlb edilməsi tələbi ilə Türkiyənin Ali Məhkəmə və Prokurorluq Şurasına şikayət göndərib.

Tural