İngiltərənin “Mançester Siti” futbol klubunun baş məşqçisi Pep Qvardiola komandanı tərk etmək ehtimalı haqda danışıb.
QÜTB.AZ xəbər verir ki, Qvardiolanın sözlərindən “Sky Sports” sitat gətirib.
“İndi gedəcəyimi desəm, özümü bağışlamazdım. Təbii ki, bu o demək deyil ki, hər şey normala dönəcək. Mən bir saniyə də olsun bunu etmək haqda düşünmürəm. Bir saniyə belə.
Düşünürəm ki, əksər oyunçular böhrandan çıxmaq istəyir. Əksər oyunçular buna cəhd etmək istəyirlər, çünki mən onların necə qaçdıqlarını və necə əziyyət çəkdiklərini bilirəm. Amma əzab-əziyyət həyatın bir parçasıdır. Həyat heç vaxt ideal deyil. Bu, həyatın özüdür”, – o qeyd edib.
“Mançester Siti” İngiltərə Premyer Liqasının turnir cədvəlində yeddinci yerdədir. Komanda 21 görüşdə 35 xal toplayıb.
