"Mançester Siti"nin baş məşqçisi Pep Qvardiola yarımmüdafiəçi Fil Foden barədə danışıb.
Publika.az xəbər verir ki, o, ingilis futbolçunun gələcəkdə komandanın lideri Kevin De Bruyneni əvəzləyəcəyini bildirib.
“Bir neçə həftə əvvəl dedim ki, Fil bu mövsüm qollar və asistlər baxımından ən böyük təsirə malikdir. Bu mövsüm o, bizim üçün çox önəmlidir. Oyunu çox gözəl oxuyur, sadə və əvvəlkindən daha aqressiv oynayır.
Foden həmişə qol vurmaqdan və yaxın məsafədən rəqib qapıya təzyiq etməkdən həzz alır. O, meydanda ağıllı hərəkət edir ki, komanda bundan faydalana bilsin. Müstəsna oyunçudur. 23 yaşı var, "Siti"nin heyətində 250 oyuna çıxıb.
Gələcəkdə Kevin De Bruyne və Bernardo Silvanı əvəz edəcək. Hər mövsüm təcrübə toplayır, sonra bunu başqalarına ötürəcək”.
Qeyd edək ki, Foden bu mövsüm Premyer Liqada 22 matçda 8 qol vurub və 7 məhsuldar ötürmə edib.
