.jpg)
"Napoli"nin prezidenti Aurelio De Laurentis Çempionlar Liqasının 1/4 finalına yüksələcəkləri təqdirdə futbolçulara 10 milyon avro ödəyəcəyini vəd edib.
Publika.az xəbər verir ki, bu barədə “La Gazzetta dello Sport” məlumat yayıb.
1/4 finala yüksəlsələr, "Napoli" 2025-ci ildə keçiriləcək Klublararası Dünya Çempionatında iştirak hüququ qazanacaq. Klub bu yarışda iştirak üçün təxminən 50 milyon avro mükafat alacaq. Laurentis bu vəsaitin 10 milyonunu indidən futbolçulara ödəməyə hazırdır.
Qeyd edək ki, “Napoli” bu gün Bakı vaxtı ilə saat 00:00-da “Barselona” ilə cavab oyunu keçirəcək. İlk matç 1:1 hesabı ilə başa çatıb.
Əlavə edək ki, klublararası dünya çempionatı 32 komandanın iştirakı ilə yenilənmiş formatda 2025-ci ildə ABŞ-da keçiriləcək.
Heybət
