"Eurosport"un britaniyalı şərhçisi Bob Billard işdən qovulub.
QÜTB.AZ xəbər verir ki, bu barədə telekanal məlumat yayıb.
Bu qərar onun Yay Olimpiya Oyunlarında 4x100 metr məsafəyə sərbəst üsulla estafetdə qalib gələn Avstraliyanın üzgüçülük üzrə qadınlardan ibarət komandası ilə bağlı çıxışından sonra verilib. “Baxın, qadınlar gedirlər. Siz o qadınları tanıyırsınız... Ortalıqda gəzir, makiyaj edirlər”, - deyə Bob bildirib. Şərhçi bu sözlərinə görə seksizmdə günahlandırılıb.
Kanal onun xanım idmançı ilə bağlı zarafatını qəbul etməyib və dərhal addım atıb. Billard ertəsi gün işdən azad olunub.
