Avro-2024-də qrup mərhələsinin 2-ci turunun oyunları davam edir.

Publika.az xəbər verir ki, bu gün D və E qruplarında 3 matç keçiriləcək.

Günün ilk oyununda Slovakiya Ukrayna ilə üz-üzə gələcək. E qrupunda yer alan komandaların duelində slovakiyalılar qələbə qazanarsa, pley-offa vaxtından əvvəl vəsiqə qazanan üçüncü komanda olacaq. Görüş saat 17:00-da başlayacaq.

İkinci matç isə D qrupu çərçivəsində baş tutacaq. Avstriya Polşanı sınağa çəkəcək. İlk turda məğlub olan komandalar üçün bu görüş ölüm-qalım mübarizəsinə bənzəyir. Oyun saat 20:00-da başlayacaq.

Günün son qarşılaşmasıda isə Avropa nəhəngləri - Niderland və Fransa qarşılaşacaq. Aktivində 3 xal olan komandaların görüşünün qalibi də pley-offa vəsiqəni təmin edəcək. Matçın start fiti saat 23:00-da səslənəcək.

Qeyd edək ki, əvvəlki 2 gündə baş tutan qarşılaşmalardan sonra Almaniya və İspaniya pley-offa vəsiqəni təmin edib.

Avro-2024: qrup mərhələsi, 1-ci tur
21 iyun
E qrupu
17:00 Slovakiya - Ukrayna

D qrupu
20:00 Polşa - Avstriya
23:00 Niderland - Fransa

Heybət