İordaniyada ABŞ bazasına edilən pilotsuz təyyarə hücumunda Abdullah Əl Hakiminin adı hallanır.

Publika.az xəbər verir ki, qlobal kəşfiyyat xəbər saytı “Intelligence Online” ABŞ Mərkəzi Kəşfiyyat İdarəsinin (CIA) hücumun arxasındakı planlayıcının adını müəyyənləşdirməyə yaxın olduğunu iddia edib. Mərkəzi Kəşfiyyat İdarəsinin hədəfi Yəməndəki Husilərin iki nömrəli çəxsi Abdullah Yəhya Əl-Hakimdir.

ABŞ kəşfiyyatı hesab edir ki, İordaniyada hücumu planlaşdıran şəxs Əbu Əli olub.

Əbu Əli haqqında çox məlumat olmasa da, onun Yəməndəki bütün Husi təşkilatının kəşfiyyat, hərbi və ya maliyyə kimi ən kritik məsələlərdə top meneceri olduğu məlumdur. Mərkəzi Kəşfiyyat İdarəsi daha əvvəl Əbu Əlinin Çinlə hərbi və iqtisadi əlaqələr quran şəxs olduğunu sübut edən ciddi dəlillərin olduğunu bildirib.

Abdulla Yəhya Əl Hakim də ABŞ Maliyyə Nazirliyinin şiddətli sanksiyaya məruz qalan adları siyahısındadır.

BMT Təhlükəsizlik Şurasının 7 noyabr 2014-cü il tarixli qərarı ilə Əbu Əli Yəmənin sabitliyini, sülhünü və təhlükəsizliyini pozduğuna görə sanksiya siyahısına daxil edilib.

Qeyd edək ki, İordaniyadakı bazaya pilotsuz təyyarənin hücumu nəticəsində 3 ABŞ əsgəri həlak olub, 25 nəfər yaralanıb.

Roza Şəfiyeva