Belçikada yeni evlənən cütlük "bal ayı"ndan qayıdanda sürprizlə qarşılaşıb.
Publika.az xəbər verir ki, bu barədə "LADBible" məlumat yayıb.
Belə ki, cütlük evdə olmadığı zaman onların evinin ətrafı 2000 pivə qutusu ilə hörülüb.
Cütlük bunu kimin və nə üçün etdiyini bilməyib. Yalnız polis hadisə yerinə gələndən sonra nə baş verdiyi bəlli olub.
Məlum olub ki, onların dostları 2000 qutu pivə alaraq yeni evlənənlərə oyun oynamaq qərarına gəliblər. Dostların dediyinə görə, bu, Belçika adət-ənənəsidir, ona görə gəlin və bəyin yoldaşları onlara bir növ sürpriz ediblər.
"İlkin plan 860 qutu almaq idi, lakin yük maşınını doldurarkən fikrimizi dəyişdik", - dostlar bildiriblər.
Cütlük indi bu qədər pivə ilə nə edəcəyini açıqlamayıb.
Hüseyn İbadlı
