KONKAKAF Çempionlar Kubokunun 1/8 final mərhələsinin ilk oyununda “İnter Mayami” “Naşvil”lə heç-heçə edib.
Publika.az xəbər verir ki, görüş 2:2 hesabı ilə heç-heçə başa çatıb.
Neşvilin qollarını Ceykob Şaffelburq vurub (4-cü dəqiqə, 46). “İnter”in qollarını Lionel Messi (52) və Luis Suares (95) vurub. Cavab oyunu martın 14-də “İnter” stadionunda keçiriləcək.
MLS Şərq Konfransının turnir cədvəlinə 7 xalla İnter Mayami başçılıq edir.
Messi Fransanın Paris Saint-Germain klubunda iki il oynadıqdan sonra 2023-cü ilin yayında Amerika klubuna keçib. Avqustun 20-də argentinalı Amerikada ilk kuboku - Liqa Kubokunu qazanıb. Ötən mövsüm 14 oyunda Messi 11 qol vurub və 5 məhsuldar ötürmə edib.
Hüseyn İbadlı
