Atletika üzrə Olimpiya çempionu Gil Roberts antidopinq qaydalarını ikinci dəfə pozduğu üçün 8 il müddətinə yarışlardan uzaqlaşdırılıb.

Publika.az xəbər verir ki, bu barədə ABŞ Antidopinq Agentliyi (USADA) məlumat yayıb.

Amerikalı qaçışçının 2023-cü ilin sentyabrın 20-də ostarin üçün verdiyi test müsbət çıxıb. Yarışdan kənar qalma müddəti 2023-cü ilin oktyabrından hesablanıb. Onun həmin ilin sentyabrından etibarən qeydə alınan bütün nəticələri ləğv edilib.

Roberts son 10 ildə ikinci dəfə antidopinq qaydalarını pozması səbəbindən uzun müddətə cəzalandırılıb. 2022-ci ilin dekabrında o, antidopinq qaydalarını pozduğuna görə 16 ay müddətinə idmandan uzaqlaşdırılmışdı. USADA-nın təhlili müəyyən edib ki, Roberts etiketdə tərkibi göstərilməyən pəhriz əlavəsini qəbul etdikdən sonra qanına qadağan olunmuş maddələr keçib.

Onun 2017-ci ildə də dopinq testi müsbət çıxmışdı. Lakin Roberts soyuqdəymə dərmanı qəbul edən sevgilisi ilə öpüşərkən dopinqin bədəninə daxil olduğunu iddia edərək, cəzadan yayına bilmişdi.

Qeyd edək ki, 35 yaşlı Roberts 4x400 m estafetdə 2016-cı il Rio Olimpiadasının qalibidir.

Heybət