Yulian Naqelsmann 2026-cı ilin yayına qədər Almaniya millisinin baş məşqçisi vəzifəsində qalacaq.
Publika.az xəbər verir ki, bu barədə nüfuzlu alman jurnalist Florian Plettenberq məlumat verib.
Onun məlumatına görə, Naqelsmannın Almaniya Futbol Federasiyası (DFB) ilə müqaviləsində komanda Avro-2024-ün pley-off mərhələsinə yüksələcəyi təqdirdə müqavilənin avtomatik uzadılması barədə gizli bənd var.
Avro-2024-ün ikinci turunda Almaniya Macarıstanı 2:0 hesabı ilə məğlub etməklə pley-offa vaxtından əvvəl vəsiqə qazanıb. Bu, Naqelsmann ilə müqavilənin uzadılması variantını de-fakto aktivləşdirib.
Heybət
