Qadın futbolçulardan ibarət Azərbaycan millisi bu gün növbəti oyununu keçirəcək.
Publika.az xəbər verir ki, yığmamız Avropa çempionatının seçmə mərhələsində növbəti matçına çıxacaq. Siyasət Əsgərovun yetirmələri B liqasının I qrupundakı son ev görüşündə Macarıstanı qəbul edəcək.
Yığma "Dalğa Arena"da keçiriləcək görüşdə qalib gəlsə, qrup sonuncusu olmayacağı rəsmiləşəcək. Bu, həm çempionatın pley-offuna vəsiqə qazandıracaq, həm də yığmamızı B liqasında saxlayacaq.
Qeyd edək ki, millimiz 4 gündən sonra səfərdə İsveçrə ilə üz-üzə gələcək.
Avropa çempionatının seçmə mərhələsi: B liqası, I qrup: V tur
12 iyul
20:00. Azərbaycan - Macarıstan
Baş hakim: Jelena Pejkoviç (Xorvatiya)
Heybət
