AFFA Region Liqasından II Liqaya yüksələn növbəti komanda bəlli olub.
Publika.az xəbər verir ki, ikinci lisenziyaya Region Liqasını 2-ci pillədə başa vuran “Hypers” klubu sahib çıxıb.
Pley-off mərhələsinin cavab oyununda “Şəfa”nı 2:1 hesabı ilə məğlub edən kollektiv yeni mövsümdən II Liqada mübarizə aparacaq. Bu komandalar arasında ilk görüş də “Hypers”in qələbəsi ilə başa çatmışdı – 2:0.
"Hypers" klubunun baş məşqçisi Azərbaycanın tanınmış futbolçusu Vüqar Nadirovdur.
Qeyd edək ki, daha əvvəl “Şimal” komandası Region Liqasının qalibi kimi II Liqada oynamaq hüququ qazanıb.
