Cərrah Aleksandr Umnov xəbərdarlıq edib ki, pivə cinsi zəifliyə və sonsuzluğa gətirib çıxarır.

Publika.az xəbər verir ki, həkim içkinin zərərləri barədə NEWS.ru-ya danışıb.

"Pivənin tərkibində ağır metal duzlarının olması səbəbindən kişinin cinsi potensialı və sağlamlığı üçün zərərlidir. Pivənin yaratdığı problemlər dərhal deyil, illər keçdikcə yaranır. Ağır metal duzlarına görə testosteron hormonunun ifrazı azalır. Testosteron kişilərin sağlamlığından məsuldur, kişilərdə sperma, qadınlarda isə yumurta istehsalına təsir göstərir. Kişilər pivə içdikdə qadın cinsi hormonları - estrogenlər daha aktiv şəkildə istehsal olunur. Bu, həm də süd vəziləri ilə bağlı problemlərə səbəb olur", - cərrah vurğulayıb.

O, eyni zamanda qeyd edib ki, pivə qadınların sağlamlığına da mənfi təsir göstərə bilər. Xüsusilə tez-tez pivə içən qadınlarda hormonal disbalans, artıq çəki və ginekoloji problemlər meydana gəlir.

"Pivənin müntəzəm və uzun müddətli içilməsi səbəbindən qadınlarda menstrual tsikl pozula bilər" , - Umnov yekunda əlavə edib.

Aytən