Türkiyənin "Fənərbağça" klubu baş məşqçisi İsmail Kartalla yollarını ayırıb.
Publika.az xəbər verir ki, bu barədə İstanbul klubunun mətbuat xidməti məlumat yayıb.
Məlumata görə, rəhbərlik tərəfindən 62 yaşlı mütəxəssisə göstərdiyi xidmətlərə görə təşəkkür edilib.
Qeyd edək ki, İ.Kartalın rəhbərliyi altında "sarı-lacıvərdlilər" Türkiyə Superliqasında cari mövsümü 99 xalla ikinci pillədə başa vurub.
"Fənərbağça"nın baş məşqçi postuna ən real namizəd portuqaliyalı mütəxəssis Jose Maurinyodur.
