ABŞ rəsmilərinin “Türkiyəyə “F-15” döyüş təyyarəsi sata bilərik” açıqlaması Yunanıstanda böyük səs-küyə səbəb olub.

QÜTB.AZ xəbər verir ki, ABŞ rəsmilərinin Türkiyənin “F-15 C Eagle” və ya “F-15 EX Eagle II” alması fikrinə açıq olduqları barədə açıqlaması Yunanıstan mediası tərəfindən gündəmə gətirilib.

Yunanıstan mətbuatı qeyd edib ki, ABŞ Türkiyəyə “F-15” döyüş təyyarələri satma ehtimalına müsbət yanaşır. ABŞ rəsmilərinin Türkiyəyə bu təyyarələri satmağa razı olduqları, lakin ABŞ-ın “F-15” ilə bağlı heç bir tələb almadığı bildirilib.

ABŞ Hərbi Hava Qüvvələri (USF) altı əsas komanda mərkəzindən 18 Amerika bazasına paylanan “608 F-16” tipli təyyarə üçün ölkə tarixində ən böyük modernləşdirmə hərəkatını başladıb.

“PoBIT” proqramı çərçivəsində həyata keçiriləcək işlər ilə 1988-2005-ci illər arasında istehsal edilən “F-16” C və D tipli təyyarələr Blok 70 modernizasiyasını alacaq. Proqramın xəritəsinə əsasən, modernləşdirilmiş təyyarə 2040-cı ilə qədər bir-bir inventarlaşdırılacaq.

Beləliklə, ABŞ inventarında ən çox “F-16”ya sahib ölkə olmaqla yanaşı, eyni zamanda ən çox Blok 70 modernizasiyasına malik hava qüvvələri ünvanına da sahib olacaq.

Aysel Şahmar