İngiltərə mediası son vaxtlar Cud Bellinqemin model Laura Selia Volk ilə münasibəti haqqında çox yazır. Bəzi mənbələr onların münasibətini inkar edir və bunun sadəcə bir reklam olduğunu iddia edirlər.
"Daily Mail" nəşri “Real”ın futbolçusu ilə niderland model arasındakı münasibətin kommersiya baxımından maraqlı olduğunu yazır və bunu NFL ulduzu Trevis Kelsi ilə müğənni Teylor Svift arasındakı münasibətlə müqayisə edir. Onların fikrincə, Bellinqemin populyarlığı ona əməkdaşlıq etmək üçün çoxlu imkanlar açır ki, bu da yanında cazibədar qadın olanda daha da artacaq.
Həmin qadının "İnstaqram"da yarım milyona yaxın izləyicisi olan Laura olduğu bildirilir. Onun ingilis yarımmüdafiəçi ilə münasibəti "The Sun" tərəfindən təsdiqlənib.
Modelin çəkilişlər zamanı yeni sevgisi haqqında danışdığını iddia edən anonim mənbə "Laura artıq hər kəsə münasibəti haqqında bəhs edib", - deyə bildirib.
Seksual sarışın "PrettyLittleThing" brendində model kimi çalışır. Britaniyalı futbol marketoloqu Rob Uilson əmindir ki, bu məlumatı mediaya sızdırmasında günahkar məhz sözügedən geyim markasıdır. Onun sözlərinə görə, bu, böyük marketinq hiyləsidir.
"Laura və Cudun tanışlıq hekayəsi sürətlə yayıldı. "PrettyLittleThing" brendi həmişə xatırlanırdı. Bu, "Real"dan milyonlarla fanat gətirə biləcək həqiqətən ağıllı bir addımdır", - deyə Rob Uilson qeyd edib.
