Prod by XSON
Almaniya "Bavariya"sı futbolçusu Korenten Tolisso ilə yollarını ayırıb.
Qutb.az klubun rəsmi saytına istinadən xəbər verir ki, fransalı yarımmüdafiəçinin başa çatan müqaviləsi yenilənməyib.
2017-ci ildən Münhen təmsilçisində çıxış edən 28 yaşlı oyuncu 5 dəfə Bundesliqa çempionu, 1 dəfə UEFA Çempionlar Liqasının, 2 dəfə isə ölkə kubokunun qalibi olub.
Tolisso həmçinin Fransa millisinin heyətində 2018-ci ildə dünya çempionluğunu qazanıb. O, "Bavariya"da 118 oyuna 21 qol və 15 məhsuldar ötürmə ilə yadda qalıb.
