"Atletiko"nun aktiv azarkeşləri İspaniya çempionatının 8-ci turunun "Real"la oyunu zamanı etiraz aksiyası keçirməyi planlaşdırırlar.

QÜTB.AZ xəbər verir ki, bu barədə "Ok Diario" məlumat yayıb.

Mənbənin sözlərinə görə, azarkeşlər şəxsiyyətlərinin müəyyən edilməməsi üçün oyunda maskalar taxaraq, "kral klubu"nun hücumçusu Vinisiusu təhqir etməyə hazırlaşırlar.

Azarkeşlər fəal şəkildə futbolçuya qarşı irqçi ifadələr yayırlar və sosial şəbəkələrdə digər "Atletiko" azarkeşlərini də onların aksiyasına qoşulmağa çağırırlar.

Vinisius mütəmadi olaraq digər klubların azarkeşləri tərəfindən təhqirlərlə üzləşir. Sentyabrda futbolçu İspaniyanın irqçiliklə bağlı böyük problemləri olduğunu deyərək, 2030-cu il dünya çempionatına ev sahibliyi hüququnun ölkədən alınmasına çağırış edib.

Qeyd edək ki, "Atletiko" - "Real" matçı sentyabr 29-da Madriddə keçiriləcək. Oyun Bakı vaxtı ilə saat 23.00-da başlayacaq.

Qutb