Belçikadakı müsəlmanlar Avropa İnsan Hüquqları Məhkəməsinin (AİHM) halal ət kəsimi qadağasının dini etiqad azadlığını məhdudlaşdırmadığına dair qərarına reaksiya veriblər.

Publika.az xəbər verir ki, Belçika İslam Nümayəndəliyi Qurumu və Belçika İslami Koordinasiya Şurası qərarla bağlı AİHM-in böyük palatasına etiraz ediləcəyini açıqlayıb.

Açıqlamada AİHM-nin ilk dəfə olaraq din azadlığı ilə heyvanların rifahı arasında tarazlıq qurmalı olduğunu etiraf etdiyi xatırladılıb: "İslam təşkilatları bu diqqətli təhlilin edilmədiyini bildiriblər. Onlar qadağanın Belçikadakı müsəlmanlar üçün yaratdığı əsas və praktik maneələrə məhəl qoymadıqlarının fərqinə varılacağına ümid edir".

Qeyd edək ki, Belçikada Flaman bölgəsi 2017-ci ildə, Valon bölgəsi isə 2018-ci ildə verilən fərmanlarla İslam inancına görə halal, yəhudiliyə görə isə koşer ət kəsimi kimi tanınan üsulu qadağan edib. Müsəlman və yəhudi təşkilatları məsələni 2022-ci ilin martında AİHM-ə qaldırıblar.

Roza