“Real Madrid”in baş məşqçisi Karlo Ançelotti futbolçu kimi tətil zamanı davranışı ilə bağlı xatirələrini bölüşüb, Rodriqo və Vinisiusun hazırkı durumundan danışıb.
QÜTB.AZ xəbər verir ki, braziliyalı hücumçuların forması ilə bağlı suala Ançelotti belə cavab verib:
“Vinisius son matçını təxminən bir ay əvvəl keçirib. Bildiyimə görə, o, iki həftəyə yaxın dincəlib, sonra məşqlərə başlayıb. Bu uşaqlar mənim kimi deyillər: mən futbolçu olanda bütün ay bekar oturub kluba artıq çəki ilə qayıda bilərdim…
Rodriqo və Vinisius indi əla fiziki formadadır. Optimal vəziyyətə çatmaq üçün onlara çox az oyun vaxtı lazım olacaq. Bütün komanda bir araya gələndə biz çox çalışmalı və komandada müsbət atmosfer yaratmalıyıq”.
