"Real"ın baş məşqçisi Karlo Ançelotti futbolçularını komanda ətrafında yaranan hakim qalmaqallarından qorumaq istəyir.

Publika.az xəbər verir ki, bu barədə "Marca" məlumat yayıb.

Mənbənin sözlərinə görə, Ançelotti hesab edir ki, "Real"ın İspaniya çempionatında növbəti 4 oyunu əsasdır, ona görə də komandanı hakimliklə bağlı lazımsız söhbətlərdən qorumaq vacibdir. Onun bununla bağlı müxtəlif planları var.

Ançelotti hesab edir ki, komanda İspaniya çempionatının "Las Palmas", "Xetafe", "Atletiko" və "Jirona" ilə qarşıdakı matçlarında qalib gəlsə, çempionluq şansını xeyli artıracaq.

Xatırladaq ki, bir müddət əvvəl “Barselona”nın baş məşqçisi Xavi “Real”la oyunlarda hakimlərin işindən narazı olduğunu bildirmişdi.

"Real" hazırda 51 xalla İspaniya çempionatının turnir cədvəlində ikincidir. Komanda lider "Jirona"dan bir xal geri qalır. Madrid komandasının ehtiyatda bir oyunu var.

Heybət