Krasnodar diyarının Korenovsk şəhərində kürdlərin yerli sakinə hücumundan sonra təxminən 60 nəfər yürüşə çıxıb.

Publika.az xəbər verir ki, “RİA Novosti”nin məlumatına görə, i, dava bazar günü axşam baş verib. Rusiya vətəndaşı olan kürdlər maşının yanında dayanıb yüksək səslə musiqi dinləyiblər. Yerli sakin onları danlayıb, nəticədə dava düşüb və kişi döyülüb.

Zərərçəkmiş polisə müraciət edib, təcavüzkar polis bölməsinə aparılıb və o, müqavimət göstərməyə çalışıb. Yerli Daxili İşlər Şöbəsinin məlumatına görə, dava Korenovskda 17 saylı məktəbin yaxınlığında baş verib. Onlar həmçinin bildiriblər ki, qaydanı pozan 2004-cü il təvəllüdlü barəsində xırda xuliqanlıq etdiyinə görə inzibati protokol tərtib edilib. Məhkəmə onun barəsində 5 sutka həbs qərarı çıxarıb.

İstintaq Komitəsi polis əməkdaşına qarşı zor tətbiq edilməsi ilə bağlı da iş açıldığını da bildirib. “Müttəhim polisin qanunsuz hərəkətləri dayandırmaq tələbinə cavab olaraq ona qarşı fiziki güc tətbiq edib”, - deyə məlumatda bildirilir.

“RİA Novosti”nin məlumatına görə, kürdün yerli sakinə hücumundan sonra 45-60 yerli sakin yürüşə çıxıb.

“Onların [kürdlərin] davranışı yerli sakinlərin xoşuna gəlməyib. Təxminən 45-60 nəfər var idi”, - agentliyin mənbəsi bildirib. “Baza” Telegram kanalı xəbər verir ki, gənclərdən ibarət izdiham Korenovskdan “Ruslar, irəli” və “Biri hamı üçün, hamı bir nəfər üçün” qışqıraraq keçib. Nəşrin məlumatına görə, qançırlar və müxtəlif bədən xəsarətləri alan 39 yaşlı yerli sakin “Rusiya İcması”nın üzvüdür, buna görə də kürdlərlə döyüş haqqında məlumatlar millətçi ictimai səhifələrdə yer alıb.

İzdiham davanın baş verdiyi küçə ilə keçib. Onları polis maşını müşayiət edib və 20 dəqiqədən sonra izdiham dağılıb.

Tural