Almaniya Futbol Assosiasiyası azarkeşlərin 2023-cü ildə Almaniya millisinin ən yaxşı futbolçusu kimi Dortmund “Borussiya”sının yarımmüdafiəçisi Əmrə Canı seçdiyini açıqlayıb.
Publika.az xəbər verir ki, futbolçu 50 mindən çox seçicinin 64,6 faizinin səsini toplayıb. İkinci yeri 11,7% göstərici ilə onun komanda yoldaşı Niklas Fullkruq, üçüncü yeri isə “Bavariya”dan Camal Musiala (9,4%) tutub.
Maraqlıdır ki, “Bild”in məlumatına görə, azarkeşlər fleşmob təşkil edərək, Almaniya Futbol Assosiasiyasını və onun 2023-cü ildəki fəaliyyətini ələ salmaq üçün xüsusi olaraq Cana səs veriblər. Əmrə Bundestimin təqvim ilində keçirdiyi 11 matçdan altısında iştirak edib, yalnız ikisini tam formada keçirib.
Almaniya millisinə gəlincə, komanda cəmi üç görüşdə qalib gəlib, 2023-cü ili üç oyunluq seriya ilə qələbəsiz başa vurub.
