İslandiyada fəhlə zəlzələ və vulkan püskürməsi nəticəsində yaranan nəhəng çata yıxıldıqdan sonra axtarışlara başlanılıb.
Publika.az xəbər verir ki, itkin düşən şəxs balıqçı şəhəri Qrindavikdə zəlzələlər və vulkanik fəaliyyət nəticəsində yaranan çatları doldurmaq üçün işləyirmiş.
Yüzlərlə xilasedicinin cəlb olunduğu axtarış işləri gecə saatlarında dayandırılmalı olub.
Cənubi İslandiya polisinin rəisi Ulfar Ludviksson "Biz axtarışı gecə yarısı dayandırmalı olduq, çünki işləyənlərin təhlükəsizliyinə zəmanət verə bilmədik",- deyə əlavə edib.
Qrindavik Bələdiyyə Başçısı Fannar Conasson qəzanın "hamını çox təəccübləndirdiyini" söyləyib.
Aysel
