İspaniya hökuməti Argentinadakı səfirini qeyri-müəyyən müddətə Buenos-Ayresdən geri çağırdığını açıqlayıb.

Publika.az xəbər verir ki, hökumət Argentina prezidenti Xavyer Mileinin İspaniyanı və baş nazir Pedro Sançesi təhqir etməsindən sonra üzr istəmədiyini bildirib.

İspaniyanın xarici işlər naziri Xose Manuel Albares Argentina prezidentinin Sançesin həyat yoldaşı ilə bağlı mübahisəli açıqlamalarından sonra Mileydən ictimai üzr istəməsini istəyib.

İspaniyanın nəqliyyat naziri Oskar Puenten Salamanka şəhərində bir tədbirdə çıxışı zamanı Mileyin narkotik istifadə etdiyini bildirib. Argentina Prezident Aparatı isə həyat yoldaşı ilə bağlı korrupsiya iddialarını əsas gətirərək İspaniyanın baş naziri Pedro Sançesi sərt şəkildə ittiham edib. Bu hadisələr iki ölkə arasında diplomatik böhrana səbəb olub.

Roza Şəfiyeva