Xaçmazda qayda pozan sürücü qəza törədib.
Milli.Az Avtosfer.az-a istinadən xəbər verir ki, hadisə bir neçə gün əvvəl günorta saatlarında rayonun Nərimanov küçəsində qeydə alınıb. Belə ki, hərəkətdə olan "VAZ-21011" markalı avtomobil yoldan çıxaraq dirəyə çırpılıb.
Hadisə şahidlərinin iddiasına əsasən, qəzaya səbəb yüksək sürət həddi olub. Nəticədə idarəetmədən çıxan maşın yol kənarındakı səkiyə çıxıb və toqquşduğu işıq dirəyini yerindən qoparıb. Həmçinin "011"in ön hissəsi aldığı zərbədən tamamilə yararsız hala düşüb. Xoşbəxtlikdən sürücü xəsarət almayıb.
Milli.Az
