"Barselona"nın vingeri Lamin Yamal Kataloniya klubunun sabiq ulduzu Lionel Messinin 10 il əvvəlki nailiyyətini təkrarlayıb.
QÜTB.AZ xəbər verir ki, Yamal İspaniya çempionatının 10 turundan sonra 6 məhsuldar ötürmə edib. O, 2014/2015 mövsümündə Messidən sonra altı və daha çox asist etməyi bacaran ilk "Barsa" oyunçusu olub.
Argentinalı superulduz 10 matçda 7 məhsuldar ötürmə edib.
"Barselona"nın yetirməsi olan Lamin Yamal 2023-cü ilin aprelində 15 yaş 9 aylıq olarkən klubun əsas komandasında debüt edib. 2023-cü ilin sentyabrında İspaniya millisinin heyətində ilk dəfə meydana çıxıb və 2024-cü ilin yayında Avropa çempionu olub.
"Transfermarkt"ın məlumatına görə, 17 yaşlı vingerin transfer dəyəri 150 milyon avrodur.
Qutb
