Ukrayna prezidenti Volodimir Zelenski ölkənin xarici işlər naziri Dmitri Kulebanı vəzifəsindən kənarlaşdırmaq fikrindədir.
Publika.az xəbər verir ki, bu barədə “Strana” mənbələrə istinadən yazıb.
Nəşr iddia edib ki, nazirlikdən çoxlu şikayətlər var, Prezident aparatı ümumiyyətlə xarici xidmətdən narazıdır:
"Səfirliklərdəki işlərin qeyri-qənaətbəxş olmasına dair müxtəlif dairələrdən, hətta müəyyən bir ölkəyə səfər etmiş siyasətçilərdən şikayətlər gəlir”.
"Strana" nəşrinin iddiasına görə, Kulebanı böyük ehtimalla prezident aparatının rəhbərinin müavini İqor Jovkva əvəzləyəcək. Çünki hazırda Zelenski administrasiyasında xarici siyasətə o nəzarət edir.
Xatırladaq ki, artıq Ukrayna Xarici İşlər Nazirliyinin rəsmi nümayəndəsi Oleq Nikolenko istefa verib.
