Vladimir Zelenski Ukraynadakı müharibənin 2024-cü ildə bitib-bitməyəcəyi ilə bağlı fikirlərini bildirib.

Publika.az xəbər verir ki, Vladimir Zelenski Almaniyanın ARD telekanalına müsahibəsində bu barədə danışıb.

Jurnalist Ukrayna prezidentinə müharibənin bu il bitəcəyinə ümid verən bir şeyin olub-olmadığını soruşub. Zelenski cavabında deyib ki, buna inanmaq lazımdır.

“Biz özünüzə inanmalı, xalqa, Ukraynaya inanmalı, tərəfdaşlarınıza və sülhə inanmalıyıq. Çünki istənilən müharibə bitir. Biz çox çətin bir zamandayıq.

Həm geosiyasi, həm də maliyyə baxımından Rusiyanı bu müharibə ilə dayandırmaq hələ də mümkündür. Ukraynanın dağılmasının, millətimizin məhv olmasının qarşısını almaq üçün lazımdır bu. Qlobal miqrasiyanın, üçüncü dünya müharibəsinin qarşısını almaq üçün Rusiyanı dayandırmaq vacibdir”, - Zelenski deyib.

Tural