"Əminəm ki, yaxın gələcəkdə heç bir ölkə ermənilər və erməni xalqı üçün Rusiya Federasiyası ilə münasibətləri əvəz etməyə qadir deyil".

Publika.az xəbər verir ki, bu barədə Rusiya Dövlət Dumasının MDB işləri, Avrasiya inteqrasiyası və həmvətənlərlə əlaqələr komitəsi sədrinin birinci müavini Konstantin Zatulin Rusiya-Ermənistan beynəlxalq “Lazarev klubu”nun altıncı iclasında məlumat verib.

Onun sözlərinə görə, məsuliyyəti Rusiyanın üzərinə qoymaq cəhdi Ermənistanın baş naziri Nikol Paşinyanın Rusiya ilə bütün əlaqələrin kəsilməsi zərurəti ilə bağlı fikirlərinin davamıdır.

O qeyd edib ki, zorakılıq erməni xalqının öz müqəddəratını təyin etmək iradəsinə zidd olub.

“Rusiya öz varlığı uğrunda mübarizə apararkən, Rusiyaya qarşı birləşmiş Qərblə üz-üzə gəldikdə, elə həmin anda müttəfiqimiz Ermənistan bizim əməkdaşlığımızla bağlı hər şeyə xəyanət edir. Mən bununla razılaşa bilmirəm”, - Zatulin vurğulayıb.

Hüseyn İbadlı