Təxminən 2000 il əvvəl Vezuvi dağının püskürməsi nəticəsində dağıdılan qədim çimərlik bərpa işlərindən sonra insanların üzünə açılıb.

Publika.az xəbər verir ki, bu haqda CNN məlumat yayıb.

Herkulaneum Arxeoloji Parkındakı çimərlikdən eramızın 79-cu ilində admiral və görkəmli Roma alimi Yaşlı Plininin başçılıq etdiyi mülki müdafiə qüvvələrinin gəlişini gözləyən 300-dən çox insanın təbii fəlakətdən xilas olmaq üçün istifadə olunduğuna inanılır.

Çimərlik illərlə davam edən arxeoloji qazıntılar və insan qalıqları, püskürmənin digər sübutlarını aşkar edən bərpa işlərindən sonra ictimaiyyətin istifadəsinə verilib.

Herkulaneumda tapılan ən mühüm tapıntı 2021-ci ildə aşkar edilən “son qaçan” insanın qalığı olub: dənizə qaçmağa çalışan və ən qiymətli əşyalarının olduğu çanta daşıyan 40 yaşlarında bir kişinin skeleti.

Açılış mərasimində çıxış edən İtaliyanın mədəniyyət naziri Gennaro Sangiuliano bildirib ki, qazıntı işləri büdcə qanununa uyğun olaraq maliyyələşdirilib.

“Elə tikinti sahələri var ki, onlar heç vaxt olmadığı qədər aktivdirlər və alimlərin fəaliyyətini gücləndirən yeni sərvətlər aşkar edirlər. Biz bütün bunlara inanırıq: YUNESKO-nun da çox dəyərli hesab etdiyi və dünyanın ən mühüm arxeoloji ərazilərindən biri olan bu ərazinin yaradılmasına, birləşdirilməsinə və möhkəmləndirilməsinə inanırıq”.

Cəmilə