Türkiyənin milli müdafiə naziri Yaşar Güler Gürcüstanda səfərdədir.
QÜTB.AZ xəbər verir ki, bu barədə Türkiyənin Milli Müdafiə Nazirliyinin “X” hesabında bildirilib.
Nazirlər Kabinetinin iclasından sonra Türkiyə – Azərbaycan – Gürcüstan Üçtərəfli müdafiə nazirləri toplantısında iştirak etmək üçün Gürcüstana gedən nazir Yaşar Güleri Gürcüstan müdafiə nazirinin müavini Paata Patiaşvili, Tbilisidəki səfirimiz Ali Kaan Orbay və digər rəsmi şəxslər qarşılayıblar.
Qeyd edək ki, Azərbaycanın müdafiə naziri general-polkovnik Zakir Həsənov Batumi şəhərində keçiriləcək Azərbaycan – Gürcüstan – Türkiyə müdafiə nazirlərinin 11-ci üçtərəfli görüşündə iştirak etmək üçün Gürcüstanda səfərdədir.
