"Türkiyənin BRİKS -ə qoşulması ilə bağlı danışıqlar hazırda davam edir, lakin hələlik bu məsələdə nəzərəçarpacaq irəliləyiş yoxdur".

QÜTB.AZ xəbər verir ki, bunu Türkiyənin hakim Ədalət və İnkişaf Partiyasının (AK Parti) nümayəndəsi Ömər Çelik brifinqdə deyib.

“Əgər bu istiqamətdə nəzərəçarpacaq irəliləyiş olsa da, nəzərəçarpacaq irəliləyiş olmasa da, biz bunu sizinlə bölüşəcəyik”, - deyə o vurğulayıb.

Çelik xatırladıb ki, Türkiyə Prezidenti Rəcəb Tayyib Ərdoğan Ankaranın BRİKS-ə inteqrasiyasının zəruriliyindən dəfələrlə danışıb.

Xatırladaq ki, bundan əvvəl "Bloomberg" Türkiyənin BRİKS-ə üzv olmaq üçün rəsmi müraciət etdiyini bildirmişdi.

Agentliyin fikrincə, bu yolla Türkiyə qlobal təsirini gücləndirməyə və ənənəvi Qərb müttəfiqləri ilə yanaşı, digər dövlətlərlə də yeni əlaqələr qurmağa çalışır.

Hüseyn İbadlı