Finlandiya hakimiyyəti yanvarın 14-də Rusiya ilə sərhəddə keçid məntəqələrini açmaqdan imtina edib.
Publika.az xəbər verir ki, bu barədə yerli MTV3 telekanalı ölkənin Daxili İşlər Nazirliyinin rəhbəri Mari Rantanenin bəyanatına istinadən məlumat yayıb.
Nazir qeyd edib ki, Finlandiya-Rusiya sərhədində qaçqınlarla bağlı vəziyyət yaxşılaşmayıb. Onun sözlərinə görə, “sərhəd açıq olarsa, Rusiyanın oxşar fəaliyyətlərini davam etdirəcəyi” riski var.
Qeyd edək ki, Finlandiyanın baş naziri Petteri Orpo bildirmişdi ki, qaçqın probleminin həlli üçün bütün mümkün ssenarilər nəzərdən keçiriləcək. Müəyyən hallarda Finlandiya-Rusiya sərhədindən qaçqınların sığınacaq vermədən Rusiya Federasiyasına qaytarılması təklif edilib.
Cəmilə
