Türkiyə gələcəkdə ölkə silahlı qüvvələrinin əsas döyüş tankına çevriləcək "Altay" tankının seriya istehsalına başlayıb.
Publika.az "Milliyet"ə istinadən xəbər verir ki, bu barədə Türkiyənin Müdafiə Sənayesi Katibliyinin rəhbəri Haluk Görgün bildirib.
"Biz milli "Altay" tankımızın seriya istehsalına başladıq, ondan istifadə etmək istəyən ölkələr var", - deyə o bəyan edib.
Görgün qeyd edib ki, tank müasir döyüş tələblərinə cavab verən, döyüş effektivliyini, sağqalma qabiliyyətini artırmaq üçün zəruri olan bir neçə yeni sistemlə təchiz edilib.
Qeyd edək ki, ümumilikdə, Ankaranın planlarına min döyüş maşınının istehsalı daxildir. Gələcəkdə pilotsuz versiyaların buraxılması planlaşdırılır.
"Altay" Türkiyə Silahlı Qüvvələrində xidmətdə olan Almaniyanın "Leopard" və ABŞ-nin M60 tanklarını əvəz etməlidir.
