Türkiyədə tikilməkdə olan Akkuyu Atom Elektrik Stansiyasının ilk reaktoru 2024-cü ildə işə salınacaq.

Publika.az xəbər verir ki, bu barədə Türkiyənin Energetika Nazirliyinin rəhbəri Alparslan Bayraktar "CNN Türk" telekanalına açıqlamasında bildirib.

İlkin olaraq Akkuyu AES-in ilk enerji blokunun işə salınması 2023-cü ilə planlaşdırılırdı. Bu, Türkiyədə ilk atom elektrik stansiyasıdır, obyektin tikintisi Rusiyanın “Rosatom” korporasiyası ilə birgə həyata keçirilir.

Türkiyə prezidenti Rəcəb Tayyib Ərdoğan AES-in Türkiyəni 4800 meqavat enerji ilə təmin edəcəyini, Sinop stansiyası ilə birlikdə ölkənin enerji istehlakının 20%-ni almasına şərait yaradacağını gözləyir.

Dekabrın ortalarında Türkiyə Akkuyu Atom Elektrik Stansiyasının birinci blokunun işə salınmasına icazə verib. Müvafiq sənədi Nüvə Tənzimləmə Agentliyinin (NDK) ölkədəki Şurası yayıb.

Hüseyn İbadlı