Amerikalı iş adamı, "SpaceX" və "Tesla" şirkətlərinin qurucusu İlon Mask öz "X" səhifəsində ölkənin Daxili Təhlükəsizlik Departamentinin (DHS) rəhbəri Alejandro Mayorkası qeyri-qanuni miqrasiyaya göz yummaqda ittiham edib və onu istefaya çağırıb.
Bu barədə Publika.az xarici KİV-ə istinadla xəbər verir.
Sahibkar qeyd edib ki, Mayorkas qəsdən qanunu pozur və ölkəyə çoxlu sayda qeyri-qanuni immiqrant cəlb edir. O, eyni zamanda bunun əksini etdiyini iddia edir.
"X" sosial şəbəkə istifadəçisinin suallarına cavab verən sahibkar deyib ki, Ağ Evin ABŞ Prezidenti Co Baydenin zehni qabiliyyətlərini yoxlamaq istəməməsi belə bir sınaqdan keçməyə bərabərdir. Maskın sözlərinə görə, dövlət başçısı koqnitiv testdən keçməlidir.
Hüseyn İbadlı
